بمباران منطقه مرزی میان افغانستان و تاجیکستان

به گزارش سرویس بین الملل خبرگزاری صدا و سیما به نقل از خبرگزاری رویترز، یک مقام دولتی افغانستان از بمباران منطقه مرزی این کشور با تاجیکستان توسط یک فروند هواپیمای تاجیکستان یا روسیه خبر داد.
به گزارش خبرگزاری رویترز از کابل، یک مقام دولت افغانستان روز دوشنبه گفت یک فروند هواپیمای متعلق به تاجیکستان یا روسیه روز یکشنبه منطقه دورقاد افغانستان واقع در ولایت تخار در شمال شرق این کشور در نزدیکی مرز تاجیکستان را بمباران کرد.
خلیل اسیر سخنگوی پلیس محلی ولایت تخار افغانستان گفت بمباران هوایی منطقه مرزی با تاجیکستان پس از آن شروع شد که دو نیروی مرزبانی تاجیک در درگیری با شبه نظامیان طالبان کشته شدند.
به گفته اسیر، در این درگیری هشت شورشی عضو طالبان کشته و شش نفر دیگر از آنها نیز زخمی شدند.
طالبان نیز وقوع این درگیری و بمباران پس از آن را تایید کرد.