روسای جمهور افغانستان و تاجیکستان درباره تشدید جنگ در افغانستان تلفنی گفتگو کردند.
براساس اعلامیه امروز دفتر ریاست جمهوری افغانستان، در گفتگوی تلفنی بعدازظهر امروز محمد اشرف غنی با امامعلی رحمان رئیس جمهور تاجیکستان، هر دو طرف در مورد آن عده از شهروندان افغان که براثر خشونت‌های طالبان در مناطق مرزی با تاجیکستان به آن کشور پناه برده اند، تبادل نظر کردند.
رئیس جمهور تاجیکستان از وضعیت پیش آمده ابراز نگرانی کرد و متقابلا رئیس جمهور افغانستان ضمن قدردانی از حسن نیت و حس بشردوستانه کشور همسایه تاجیکستان در برابر شهروندان افغان گفت: دولت افغانستان در قبال شهروندان خود مسئول است و به زودترین فرصت، اقدامات لازم و فوری را برای رسیدگی به آنان انجام خواهد داد.
این گفتگوی تلفنی در حالی انجام شده است که در شبانه روز گذشته نه شهرستان بیشتر در شمال افغانستان به دست طالبان سقوط کرد.
گزارش‌ها حاکی از آن است که در هفته‌های گذشته در پی حملات طالبان و سقوط برخی شهرستان‌های شمالی افغانستان، بیش از صد نظامی افغان به خاک تاجیکستان پناه برده اند.